ЦIыфхэм яфитыныгъэхэр къэухъумэгъэнхэр

Фото: images.aif.ru
АР-м ипрокурор шъхьаIэу Василий Пословскэм илъэсым изэфэхьысыжьхэр къышIыгъэх

Адыгэ Республикэм и Прокуратурэ иколлегие тыгъуасэ зэхэсыгъоу иIагъэм мы структурэм икъулыкъушIэхэм 2016-рэ илъэсым Iофэу ашIагъэм изэфэхьысыжьхэр щашIыгъэх, мы илъэсымкIэ пшъэрылъхэр щагъэнэфагъэх.

Iофтхьабзэм хэлэжьагъэх Адыгеим и ЛIышъхьэ ипшъэрылъхэр пIэлъэ гъэнэфагъэкIэ зыгъэцэкIэрэ КъумпIыл Мурат, УФ-м и Генеральнэ Прокуратурэ и ГъэIорышIапIэу Къыблэ федеральнэ шъолъырым щыIэм ипащэ игуадзэу Денис Оськиныр , АР-м и Къэралыгъо Совет — Хасэм и Тхьаматэу Владимир Нарожнэр , хэбзэухъумэкIо къулыкъухэм япащэхэр, нэмыкIхэри.

КъумпIыл Мурат пэублэ псалъэ къышIызэ, бзэджэшIагъэхэм апэшIуекIогъэным ыкIи хэбзэгъэуцугъэр къэухъумэгъэным афэшI блэкIыгъэ илъэсым республикэ прокуратурэм икъулыкъушIэхэм Iофышхо зэрашIагъэр, ащкIэ ахэм зэрафэразэр къыIуагъ.

Къэралыгъом ыкIи цIыфхэм яфитыныгъэхэр къэухъумэгъэнхэр пшъэрылъ шъхьаIэу зыфэзыгъэуцужьырэ къулыкъум непэ мэхьанэшхо зэриIэм къыкIигъэтхъыгъ. Зэфэхьысыжьхэм закъыфэбгъазэмэ, хэбзэIахьхэм ятынкIэ шапхъэхэр аукъуагъэу къыхагъэщыгъэр фэдизрэ ныкъорэкIэ нахьыбэ зэрэхъугъэм, лэжьапкIэм итынкIэ цIыфхэм яфитыныгъэхэр зэрэзэтырагъэуцожьыгъэхэм, джащ фэдэу бизнесым хэщагъэхэм алъэныкъокIэ административнэ пэрыохъоу щыIэхэр дэгъэзыжьыгъэнхэм, предпринимательхэм афызэхащэрэ уплъэкIунхэм япчъагъэ нахь макIэ шIыгъэным прокурорхэм яIахьышIу зэрэхэлъыр къыхигъэщыгъ.

ПсэупIэ-коммунальнэ хъызмэтым, бюджетым, нэмыкIхэм яIофыгъохэр зэшIохыгъэнхэр, цIыфхэм яфитыныгъэхэр укъуагъэ мыхъунхэр, къолъхьэ тын-Iыхыным пэшIуекIогъэныр, ащ дакIоу тишъолъыр иэкономикэ къыхалъхьэрэ инвестициехэм ахэгъэхъогъэныр пшъэрылъ шъхьаIэу КъумпIыл Мурат къыгъэнэфагъэх. Непэ Адыгеим ибаиныгъэ шъхьаIэ — лъэпкъ ыкIи дин зэгурыIоныгъэр гъэпытэгъэным мэхьанэшхо иIэу ылъытагъ.

Нэужым АР-м ипрокурор шъхьаIэу Василий Пословскэм илъэсым изэфэхьысыжьхэр къышIыгъэх, тапэкIэ анахьэу анаIэ зытырагъэтыщт лъэныкъохэр къыхигъэщыгъэх. Ащ къызэриIуагъэмкIэ, 2016-рэ илъэсым федеральнэ хэбзэгъэуцугъэм къыгъэнэфэрэ шапхъэхэр гъогогъу мин 18,8-м ехъурэ республикэм щаукъуагъэх, ахэр дэгъэзыжьыгъэнхэмкIэ прокурорхэм унэшъо гъэнэфагъэхэр ашIыгъэх. Предпринимательхэм, сэкъатныгъэ зиIэхэм, зыныбжь хэкIотагъэхэм, сабыйхэм яфитыныгъэхэр къэухъумэгъэнхэмкIэ, цIыфхэм игъом лэжьапкIэр ятыгъэнымкIэ, нэмыкI лъэныкъохэмкIи IофшIэныр нахь агъэлъэшыгъ.

2015-рэ илъэсым егъэпшагъэмэ, республикэм щызэрахьэгъэ бзэджэшIагъэхэм япчъагъэ проценти 6,4-кIэ нахь макIэ хъугъэ, ау бзэджэшIагъэу зэхафын алъэкIыгъэр проценти 10,8-кIэ нахь макI. Мы гумэкIыгъом идэгъэзыжьын прокуратурэм имызакъоу, хэбзэухъумэкIо къулыкъухэм зэкIэми анаIэ тырагъэтын фаеу прокурор шъхьаIэм ылъытагъ. Илъэсэу тызхэтым къулыкъушIэхэм анахьэу анаIэ зытырагъэтын фэе лъэныкъохэр къыгъэнэфагъэх, къэзытхырэр АР-м и ЛIышъхьэ и пресс-къулыкъу.

АР-м и Прокуратурэ Iоф зэрэдашIэрэм, тапэкIэ пшъэрылъэу зыфагъэуцужьхэрэм къатегущыIагъэх федеральнэ инспектор шъхьаIэу Сергей Дрокиныр, АР-м и Апшъэрэ хьыкум и Тхьаматэу Трахъо Аслъан, УФ-м и Следственнэ комитет иследственнэ ГъэIорышIапIэу республикэм щыIэм ипащэу Александр Глущенкэр, хэбзэухъумэкIо къулыкъухэм япащэхэр.

 
По теме
 
В Адыгее погибло почти 10 тыс. га урожая - Информационное агенстсво НатПресс Из-за засухи и жары 9,6 тыс. га посевов были уничтожены. Особенно сильно пострадала кукуруза, а вот на бобовые и овощи жара практически не оказала влияния.
17.07.2018 Информационное агенстсво НатПресс
По решению суда алкогольная продукция передана на уничтожение На днях судебные приставы Майкопа передали представителям ОАО «Росспиртпром» крупную партию конфискованной немаркированной алкогольной продукции для уничтожения.
18.07.2018 Аргументы и Факты
Сати Казанова о Малой и Большой Родине - Информационное агенстсво НатПресс Я люблю Россию!!! Интересный факт в том, что я не русская, и Черкесская Культура, в которой я родилась далека от славянской, русской...
18.07.2018 Информационное агенстсво НатПресс
На выставке представлено более 40 полотен из личной коллекции заслуженного художника России Александра Манакьяна 12 июля в Музее природы на кордоне Гузерипль Кавказского заповедника открылась выставка «Заповедник глаз
17.07.2018 Аргументы и Факты
16 июля в читальном зале Национальной библиотеки Республики Адыгея будет открыта выставка, посвященная 125-летию со дня рождения В.В.
12.07.2018 Газета Майкопские новости
Подшефный военно-патриотический клуб «Вертикаль» представит Адыгею на Международных соревнованиях «Арми-2018» - УФСИН Участники соревнований в возрасте от 13 до 17 лет будут состязаться в военно-прикладных видах спорта - стрельбе из пневматической винтовки, кроссу, сборке-разборке автомата Калашникова, прыжках, упражнениях на пресс и других.
18.07.2018 УФСИН
Фестиваль черкесской культуры прошел на днях в черкесском ауле Кфар-Кама, что в Северном округе Израиля - Информационное агенстсво НатПресс Одним из организаторов и участников мероприятия выступил уроженец этого аула Бибэрс Натхъо (Бибрас Натхо), являющийся игроком российского футбольного клуба ЦСКА и капитаном сборной Израиля.
18.07.2018 Информационное агенстсво НатПресс
В турнире участвовали 30 любительских команд Для школьников, отдыхающих на летних каникулах, городским комитетом по физической культуре и спорту был организован турнир по мини-футболу.
17.07.2018 Аргументы и Факты
Ограничения связаны с проведением ремонтных работ МВД по Адыгее информирует автовладельцев о том, что с 4 по 20 августа 2018 года движение транспорта через Яблоновский мост, соединяющий Адыгею и Краснодар, будет закрыто.
17.07.2018 Аргументы и Факты